Te Mace bon te kai ae kabonganaki n ana Maneaba ni Maungatabu Kiribati ao n aban te Kaomwanwareta
Rongorongon te MACE
Te Mace bon te kai ae kabonganaki n ana Maneaba ni Maungatabu Kiribati ao n aban te Kaomwanwareta .E karaoaki aio bwa kaotan mwakan te Uea n Aine inanon taian Auti n Tei n aban te Kaomwanwareta. Ngkai e a tia n inaomata Kiribati man iaan ana babaire te Uean n Aine ao e a riki ngkanne te Mace bwa rabwatan te mwaaka anne are e kabongana te Tibiika n te Maneaba ni Maungatabu ike e a kona iai te Maneaba ni Maungatabu ni karaoi babaire ibukiia te botanaomata iaon Kiribati.
Tein rabwatan te Mace
Te Mace ngkoa are e kabonganaaki n ana Auti n Tei Kiribati are i Bairiki bon katotongan kanoan te kati ni buaka n tain te korone. Te Mace ae kabonganaaki ngkai n ana Auti n Tei Kiribati bon katotongan rabwatan aia kainibuaka kaain Kirbati ae te maran ao e karaoaki rabwatana man te koora ao n bwaintangiraaki man ana Auti n Tei Aotiteria.
Bonganan te Mace
Ni katoa moanan te bowi n te Maneaba ni Maungatabu ao e uotaki te Mace nako nanon te Maneaba ni Maungatabu iroun te Buretiman ao n rimwiaki iroun te TIbiika n te Maneaba ni Maungatabu ao te Kiraaka ao n katokaaki iaon ni nnena.
E na toka te Mace iaon te moan bao mai ieta ngkana e waaki ana bowi te Maneaba ni Maungatabu ao te mwaaka e mena inanon bain te Tibiika ma e kairaki mwakana n te Tua ibukin Kairan te Te Bowi(Rules and Procedures)
E na toka te Mace iaon te kauoua ni bao mai inuuka ngkana e komete te Maneaba ni Maungatabu ao te Tibiika e riki bwa te Tia Babairea waakin te bowi. Ngkana e toka te Mace ni nnena ke iaon te bao ao e kaotia ngkanne bwa te Tibiika ngaia ngkanne ae mena irouna te mwaaka.
Tabon te Mace riai n taainako n kotea ana itera te Tautaeka are e tekateka iangatain te Tibiika. Ana Mace Kiribati bon te bwai n tangira man ana Auti n Tei Aotiteria. Te Mace bon katotongan aia kainibuaka kaain Kiribati ae te maran.